Jupitermound From Wikipedia, the free encyclopedia
De Callirrhoe (oder Jupiter XVII) ass ee vun de baussenzege Mounde vum Planéit Jupiter.
![]() Den Callirrhoe (S/1999 J1) a seng Ëmgéigend | |
Provisoresch oder systematesch Bezeechung | S/1999 J 1 |
---|---|
Zentralkierper | Jupiter |
Eegenschafte vum Orbit | |
Grouss Hallefachs | 24.102.000 km |
Periapsis | 17.281.000 km |
Apoapsis | 30.923.000 km |
Exzentrizitéit | 0,283 |
Ëmlafzäit | 758,8 Deeg |
Ëmlafvitess | 2,29 km/s |
Inklinatioun | 147,1° |
Physikalesch Donnéeën | |
Mëttleren Duerchmiesser | 7 km |
Albedo | 0,04 |
Visuell Magnitude (mag) | 20,8 |
Entdeckung | |
Entdecker | Spacewatch |
Entdeckungsdatum | 6. Oktober 1999 |
De Callirrhoe gouf de 6. Oktober 1999 vun den Astronomen Timothy B. Spahr, Jim V. Scotti, Robert S. McMillan, Jeff A. Larsen, Joe Montani, Arianna E. Gleason an Tom Gehrels am Kader vum Spacewatch-Programm entdeckt. Am Ufank hate si geduecht den Himmelskierper wier en Asteroid (1999 UX18). Den Timothy B. Spahr huet den 18. Juli 2000 festgestallt, datt et sech ëm e weidere Mound vum Jupiter handelt, deen dunn déi provisoresch Bezeechnung S/1999 J 1 krut.
De Mound gouf no der Kallirhoe, der Mamm vum Ganymed aus der griichescher Mythologie, genannt.
De Mound Callirrhoe kreest ëm de Jupiter a ronn 759 Deeg op enger mëttlerer Distanz vu 24.102.000 km. D'Bunn huet eng Exzentrizitéit vun 0,283. Mat enger Schréi vun 147,1° ass d'Bunn retrograd, d. h., de Mound beweegt sech géint d'Rotatiounsrichtung vum Jupiter.
De Callirrhoe gëtt wéinst senge Bunneegenschaften zur Pasiphae-Grupp gerechent.
De Callirrhoe huet e mëttleren Duerchmiesser vun zirka 7 km. Seng Dicht gëtt graff op 2,6 g/cm³ geschat, well de Mound haaptsächlech aus Silikatgestengs opgebaut ass. De Callirrhoe huet eng ganz däischter Uewerfläch mat enger Albedo vun 0,04. Seng visuell Magnitude ass 20,8m.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.