Space Shuttle vun der NASA From Wikipedia, the free encyclopedia
D'Raumfär Atlantis ass e Space Shuttle vun der NASA. Si gouf nom éischten amerikaneschen ozeanografesche Fuerschungsschëff Atlantis genannt. Am Abrëll 1984 war se fäerdeg fir den Asaz an hat hiren éischte Fluch am Oktober 1985 (STS-51-J). Déi intern Bezeechnung vum Orbiter heescht OV-104. Hir lescht Missioun goung den 21. Juli 2011 op en Enn.
Vun 1995 bis 1997 gouf d'Atlantis nëmme fir d'Flich op d'russesch Raumstatioun Mir am Kader vum Shuttle-Mir-Programm agesat, woufir si mat engem Kopplungsadapter vu russescher Bauaart ausstafféiert gouf.
Den 8. Juli 2011 war hiren 33. a leschte Start. Si huet Proviant, Material an Technik fir Experimenter op d'ISS transportéiert an huet de Logistikmodul Raffaello zeréck op d'Äerd bruecht. Den 21. Juli 2011 pünktlech um 11.57 MESZ huet si sécher op der Landebunn 15 vum Kennedy Space Center a Florida opgesat.[1] Hir Landung war d'Enn vun der Ära "Shuttleflich". De Programm huet zum Schluss ronn 775 Milliounen Dollar pro Missioun kascht.[2]
Nom Enn vum amerikanesche Shuttle-Programm gouf d'Raumfär als Museumsstéck am Besuchszentrum vum Kennedy Space Center a Florida ausgestallt.
Am Ganze war d'Atlantis an hire 25 Déngschtjoer méi wéi 193 Millioune Kilometer geflunn.
D'Atlantis hat vun den Erfarunge profitéiert, déi beim Bau an Teste vun der Enterprise, Columbia a Challenger gemaach goufen. Wéi se fäerdeg war huet se ronn 3.200 Kilogramm manner wéi d'Columbia gewiën. Och beim Bau vum Shuttle goufen d'Aarbechtsstonnen ëm 49,5 Prozent gekierzt (am Verglach zu Columbia). Dat ass virun allem op de Gebrauch vun Hëtzschëld-Decken um ieweschten Deel vum Orbiter amplaz vu klenge Kachelen zeréckzeféieren.
Wärend der Konstruktioun vun der Discovery an der Atlantis hat sech d'NASA dozou entschloss, "strukturell Ersatzdeeler" fabrizéieren ze loossen, fir d'Reparatur am Fall vun engem Onfall z'erliichteren. De Kontrakt hat am Ganzen e Wäert vun 389 Milliounen Dollar a bestoung aus Ersatzdeeler fir den hënneschten an de mëttlere Kierper, souwéi viischt Kierperdeeler, vertikal Rudderen, Flilleken a Klappen. D'Ersatzdeeler goufe spéider fir d'Endeavour benotzt.
Tëscht November 1997 a Juli 1999 goufen zu Palmdale a Kalifornien, vill Verbesserungen an Upassungen un der Atlantis gemaach. Ënner anerem gouf den Orbiter mat engem Bremsschierm an engem gliesene Cockpit ëmgeännert, et goufen och nei Réier a Verkabelungen installéiert an iwwer 800 Hëtzschutzkachelen an -decken ersat.
Nr. | Start | Bezeechnung | Logo | Crew |
---|---|---|---|---|
1 | 3. Oktober 1985 | STS-51-J | Karol Bobko, Ronald Grabe, David Hilmers, Robert Stewart, William Pailes | |
2 | 27. November 1985 | STS-61-B | Brewster Shaw, Bryan O'Connor, Mary Cleave, Sherwood Spring, Jerry Ross, Rodolfo Neri Vela, Charles Walker | |
3 | 2. Dezember 1988 | STS-27 | Robert Gibson, Guy Gardner, Richard Mullane, Jerry Ross, William Shepherd | |
4 | 4. Mee 1989 | STS-30 | David Walker, Ronald Grabe, Norman Thagard, Mary Cleave, Mark Lee | |
5 | 18. Oktober 1989 | STS-34 | Donald Williams, Michael McCulley, Franklin Chang-Diaz, Shannon Lucid, Ellen Baker | |
6 | 28. Februar 1990 | STS-36 | John Creighton, John Casper, Richard Mullane, David Hilmers, Pierre Thuot | |
7 | 15. November 1990 | STS-38 | Richard Covey, Frank Culbertson, Robert Springer, Carl Meade, Charles Gemar | |
8 | 5. Abrëll 1991 | STS-37 | Steven Nagel, Kenneth Cameron, Jerry Ross, Jerome Apt, Linda Godwin | |
9 | 2. August 1991 | STS-43 | John Blaha, Michael Baker, Shannon Lucid, James Adamson, David Low | |
10 | 24. November 1991 | STS-44 | Frederick Gregory, Terence Henricks, Story Musgrave, Mario Runco, James Voss, Thomas Hennen | |
11 | 24. Mäerz 1992 | STS-45 | Charles Bolden, Brian Duffy, Kathryn Sullivan, David Leestma, Michael Foale, Byron Lichtenberg, Dirk Frimout | |
12 | 31. Juli 1992 | STS-46 | Loren Shriver, Andrew Allen, Claude Nicollier, Jeffrey Hoffman, Franklin Chang-Diaz, Marsha Ivins, Franco Malerba | |
13 | 3. November 1994 | STS-66 | Donald McMonagle, Curtis Brown, Ellen Ochoa, Scott Parazynski, Joseph Tanner, Jean-François Clervoy | |
14 | 27. Juni 1995 | STS-71 | Robert Gibson, Charles Precourt, Ellen Baker, Bonnie Dunbar, Gregory Harbaugh | |
15 | 12. November 1995 | STS-74 | Kenneth Cameron, James Halsell, Jerry Ross, William S. McArthur, Chris Hadfield | |
16 | 22. Mäerz 1996 | STS-76 | Kevin Chilton, Richard Searfoss, Ronald Sega, Michael Clifford, Linda Godwin | |
17 | 16. September 1996 | STS-79 | William Readdy, Terrence Wilcutt, Thomas Akers, Jerome Apt, Carl Walz | |
18 | 12. Januar 1997 | STS-81 | Michael Baker, Brent Jett, John Grunsfeld, Marsha Ivins, Peter Wisoff | |
19 | 15. Mee 1997 | STS-84 | Charles Precourt, Eileen Collins, Carlos Noriega, Edward Lu, Jean-François Clervoy, Jelena Kondakowa | |
20 | 26. September 1997 | STS-86 | James Wetherbee, Michael Bloomfield, Wladimir Titow, Scott Parazynski, Jean-Loup Chrétien, Wendy Lawrence | |
21 | 19. Mee 2000 | STS-101 | James Halsell, Scott Horowitz, Jeffrey Williams, Susan Helms, James Voss, Mary Weber, Juri Ussatschow | |
22 | 8. September 2000 | STS-106 | Terence Wilcutt, Scott Altman, Daniel Burbank, Edward Lu, Juri Malentschenko, Richard Mastracchio, Boris Morukow | |
23 | 7. Februar 2001 | STS-98 | Kenneth Cockrell, Mark Polansky, Robert Curbeam, Marsha Ivins, Thomas Jones | |
24 | 12. Juli 2001 | STS-104 | Steven Lindsey, Charles Hobaugh, Michael Gernhardt, James Reilly, Janet Kavandi | |
25 | 8. Abrëll 2002 | STS-110 | Michael Bloomfield, Stephen Frick, Jerry Ross, Steven Smith, Ellen Ochoa, Lee Morin, Rex Walheim | |
26 | 7. Oktober 2002 | STS-112 | Jeffrey Ashby, Pamela Melroy, Fjodor Jurtschichin, Sandra Magnus, Piers Sellers, David Wolf | |
27 | 9. September 2006 | STS-115 | Brent Jett, Christopher Ferguson, Steven MacLean, Daniel Burbank, Joseph Tanner, Heidemarie Stefanyshyn-Piper | |
28 | 8. Juni 2007 | STS-117 | Frederick Sturckow, Lee Archambault, James Reilly, John Olivas, Patrick Forrester, Steven Swanson | |
29 | 7. Februar 2008 | STS-122 | Stephen Frick, Alan Poindexter, Stanley Love, Rex Walheim, Leland Melvin, Hans Schlegel | |
30 | 11. Mee 2009 | STS-125 | Scott Altman, Gregory C. Johnson, John Grunsfeld, Michael Massimino, Andrew Feustel, Michael Good, Megan McArthur | |
31 | 16. November 2009 | STS-129 | Charlie Hobaugh, Barry Wilmore, Robert Satcher, Michael Foreman, Randolph Bresnik, Leland Melvin | |
32 | 14. Mee 2010 | STS-132 | Kenneth Ham, Tony Antonelli, Michael Good, Piers Sellers, Stephen Bowen, Garrett Reisman | |
33 | 8. Juli 2011 | STS-135 | Christopher Ferguson, Douglas Hurley, Sandra Magnus, Rex Walheim |
Commons: Space Shuttle Atlantis – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.