Djudios bereberes
From Wikipedia, the free encyclopedia
From Wikipedia, the free encyclopedia
Los Djudios bereberes (Udayen Mazighen en tamazight) son akeyos djudios ke avlan linguas bereberes i ke bivían en alkunas rejiones de las montanyas Atlas en Marroko. Egziste una teoria ke dize ke son bereberes konvertidos al djudaismo i otra ke dize ke son djudios asimilados por la kultura bereber. Entre las anyadas de 1950 i 1970, la majorita izieron aliya o fueron a bivir a Fransia. Avlan un lashon del Tamazight de Marroko Sentral i del Tachelhit kon enfluensia del ivrit yamado Djudeo-Bereber.
a en los diyas del Imperio Romano bivian komunitas djudias enel Maghreb. Ma enel pasado, era zor dechidir si estos klanes bereberes eran orijinalmente djudios i se asimilaron kon los Bereberes en el uzo de la lingua i kultura o si eran bereberes ke kon el pasar del tiempo se konvirtieron al djudaismo. André Goldenberg i Simon Lévy eskrivieron ke la sigunda teoria era la mas vedradera. [1].
Franz Boas eskrivió enel anyo 1923, diskués de komparar los djudios del Maghreb kon akeyos de Evropa Oksidentala i Rusia ke "se amostra klaramente ke en kada komunita egziste una grande asimilasion entre los djudios i la djente entre la kuala biven" i ke "los djudios del Nord de Afrika son, esensialmente, Afrikanos del Nord".[2]
Diskués de la Gerra araba-Israeliana de 1948, se muchiguaron las tensiones entre las komunitas djudias i arabas enel Maghreb i munchos djudios izieron aliya para eskapar de estas tensiones. Oy, kaji todos biven en Israel i alkunos en Fransia. La komunita djudia de Marroko bive kaji toda en la sivdad de Kasablanka i se kreye ke alkunos ainda avlen djudeo-bereber.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
