Linea vedre (Kipre)
From Wikipedia, the free encyclopedia
From Wikipedia, the free encyclopedia
La Linea Vedre es la linea ke parte a Nikosiya, la sivdad kapitala de la isola de Kipre, en dos partes; una ke se topa al nord, basho kontrolo de la Repuvlika Turkana del Norte de Kipre y la otra, ke se topa al sud, basho kontrolo del governo de la Repuvlika Kipriyota, rekonosida internasionalmente. Para ken tiene menester de krusar la linea, puede azerlo a traverso de "Ledra Palace Check Point", lugar basho kontrolo de las huérsas de seguridad de ambos sektores de la isola i de la UNFICYP.
Enel anyo 1960, Kipre yegó a ser un payis independiente, konformado por dos komunidades, kon una majorita de orijin grégo i una minoria turkana. En Diziembre de 1963, la sivdad de Nikosiya bivió konfrontamyentos entre las dos komunidades, lo kualo kavzó ke la sivdad de fakto se partajase en dos. El Sekretario Britániko para las lisiones de la Commonwealth, Duncan Sands, vijitó la isola kon el buto de restorar la kalma. Se organizaron unos enkontros entre las dos komunidades, basho el kudio de Sands. Durante estos enkontros, el jeneral Young, el kualo era el komandante de las huérsas británikas arrivadas para kudiar el afito, markó una línea vedre el 30 de Diziembre de 1963 ensima del mapa de los konfliktos en Nikosiya. Esta linea gano huérsa diskués de ke la Turkiya invadiese la isola en Djunio de 1974 i yego a ser una frontiera de fakto kuando enel anyo 1983, la parte de la isola basho kontrolo turkano deklaró su independensia komo Repuvlika Turkana del Nord de Kipre, un payis ke solo aksepta la Turkiya.
Diskués de kaji 30 anyos de tener defendidos los kusamyéntos, el governo de la Repuvlika Turkana del Nord de Kipre aksepto azer mas kolay el krusamyento de la línea vedre en Avril de 2003, permetendo a los gregokipriyotas krusar enel Krusamiento del Palasio de Ledra, justo ahuéra de las paredes de la sivdad antika de Nikosiya. Esto afitó diskués de una dechizión del Djuzgo Evropeo de los Diritos Umanos.[1]
Oy endiya, se puede krusar la linea vedre en estos puntos :
| Entrada ala Repuvlika Kipriyota | Entrada ala Repuvlika Turkana del Nord de Kipre | Notas |
|---|---|---|
| Astromeritis Αστρομερίτης (Grégo) |
Zodeia Ζώδεια (Grégo) Bostancı (Turko) |
Solo kon otomobil |
| Ayios Dhometios | Metehan | |
| Palasio de Ledra | Palasio de Ledra | |
| Kaleja Ledra οδός Λήδρας (Grégo) Lokmacı Caddesi (Turko) |
Kaleja Ledra οδός Λήδρας (Grégo) Lokmacı Caddesi (Turko) |
Sin otomobil |
| Pyla Πύλα (Grégo) Pile (Turko) |
Pergamos Πέργαμoς (Grégo) Beyarmudu (Turko) |
|
| Agios Nikolaos Άγιος Νικόλαος (Grégo) |
Strovilia Akyar (Turko) |
|
| Limnitis Λιμνίτης (Grégo) Yeşilırmak (Turko) |
Limnitis Λιμνίτης (Grégo) Yeşilırmak (Turko) |
Antes de ke Kipre entrase a la Union Evropea, egzistian limitos para sitizenos ajenos echos por la Repuvlika Kipriyota, ma endagora no egzisten para los sitizenos evropeos por modre de las leyes de la Union Evropea en su regulasion 866/2004.[2] Jeneralmente, los sitizenos de kualunke payis pueden krusar la linea vedre, ansina komo kipriyotas grégos i turkanos. Es menester yevar un pasaporto para entrar a Kipre del Nord, ma no son estampados.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
