Ladinokomunita

Ladinokomunita es una komunita sibernetika de avlantes de ladino (ke se dize tambien djudio, djudezmo o djudeo-espanyol), ande eskriven letras djentes del mundo entero. Los sujetos son la istoria i kultura sefardi, la linguistika djudeo-espanyola, i la kultura djudia en djeneral. La signora Rachel Amado Bortnick, de Amerika, es la fundadora de Ladinokomunita. La komunita tiene 800 miembros.

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Los mesajes de la lista tambien permeten de rekojer las orijines i sinyifikasiones de biervos djudeo-espanyoles ^[1]. Ladinokomunita publika un diksionario ^[2] en su sitio.

Referensias

1. « La lista ladinokomunita como diksionario kolektivo », Aki Yerushalayim n°75, djulio 2004.
2. Diksionario de Ladinokomunita Djudeo-Espanyol <> Castellano <> English <> Türkçe

Enlase eksterno

• Ladinokomunita
• Lista Ladinokomunita