Barkan es la sigunda entreprisa yisraeli produktora de vinos, la kuala produze entre 5 i 9 milyones de bokales kada anyo. [1]La entreprisa esta ubikada en el Kibbutz Hulda, al este de Tel Aviv. La entreprisa endemas tiene vinyedos en las Alturas del Golan.[2]
Istorya
Enel anyo 1899, Shlomo Friedman fondó los VInyedos Friedman en Petah Tikva kon el buto de produzir vino dulse para azer Kiddush, endemas de brandy. El ijo de Shlomo, Bezalel, tomó kontrolo de la entreprisa i la trokó de lugar a Kiryat Matalon, la zona endustriala de Petah Tikva, ke era para antonses una duna de arena sin kompanyias. Enel anyo 1964, los vinyedos fueron komprados por Tnuva, la kuala empiesó a distribuyirle las uvas, sobre todu Alicante i Carignane. El nombre de la entreprisa fue trokado antonses a Tnuva-Friedman.[3] Enel anyo 1971 Tnuva vendió los vinyedos a la kompanyia Stock, la kuala produzía sobre todu brandy, vodka i vermut. Los vinyedos en Petah Tikva fueron nombrados Hamartef, i empiesó produziendo vinos de amijores varietades de uva, komo Cabernet Sauvignon i Sauvignon Blanc.[4] Enel anyo 1988, se fraguó una mueva faktoriya en la zona endustriala de Barkan, serka de la sivdad de Ariel, para deshar de empiegar las plantas de Petah Tikva i Netanya. Enel anyo 1990, la entreprisa Barkan Wine Cellars fue fondada enel Kibbutz Hulda por Shmuel Boxer i Yair Lerner, los má grandes kultivadores de uvas de la kompanyia Stock. [5] Oy endiya, Barkan esta dezvelopando un vinyedo de 150 dunams en Mitzpe Ramon.[6]
Vinos
Barkan produse vino de munchas varietades de uvas, má afilú los espesiales de la kaza son: un Chardonnay de uvas ke siembran en los sus vinyedos enel desyerto de Negev, ulai uno de los pokos vinyedos del mundo ubikado en un desyerto; i un vino echo kon uvas Pinotage, varietad de la kuala son los unikos en Israel ke la produzen.
Referensias
Enlasos eksternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
