Alexandra Kramer Paula Da Silva , amijor konosida komo Alex Kramer, es una apresentadora de la televizyón britanika konosida por los programas de djuegos Going for Gold, Make Your Play, Glitterball i The Big Deal. Endemas pronto va lavorar komo djurnalista en The One Show, del kanal de televizyón BBC 1
Alexandra nasió el 29 de Marso de 1978 en la sivdad de Londra, en una famiya djudia de orijin portugez.[1] Estudio en la Universita de [Hereford i enel anyo 2000 fue graduada komo djurnalista. Oy endiya bive en Londra.
Eya empiesó la su karriera en la TV komo la manseva apresentadora del tyémpo en el kanal Five enel anyo 2002. Dempues apresentó un programa de sitas en Sky Active i endemas enel Express Shopping Channel. Endemas izo de djurnalista para kanales komo ITN i la BBC 3. Alex tambien tiene lavorado programas de djuegos komo apresentadora, komo The Great Big British Quiz, Quiz Call, Make Your Play, Glitterball, Challenge Jackpot, Going for Gold i The Big Deal
Enel video promosyonal de Microsoft Windows Vista eya fue la apresentadora. Enel anyo 2006, el magazin Maxim la yamó una de las Mansevas del anyo 2007. Esta konsiderada una de las mujeres mas ermozas de Inglaterra, espesialmente por sus programa TV News i komo djurnalista de arte i entretenimyéntos en ITN
En Djulio de 2010 Alex tuvo una entrevista en BBC para apresentar el programa The One Show[2][3], ma afilu fue eskojida para lavorar komo djurnalista enel programa.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
