Terminus Cretaceus Palaeogenicus

Terminus Cretaceus Palaeogenicus,^[1][2] quo limes inter systemata Cretaceum et Palaeogenicum definitur, per computationem radiometricam ad 66.043 ± 0.011 milies milium annorum a.p. aestimatur. E vestigiis palaeontologicis constat exstinctiones eis temporibus specierum permultarum accidisse. Causa horum eventuum fuisse censetur impactum asteroidis qui astroblema Chicxulub in partibus borealibus Yucataniae et sub aquis adiacentibus Caribicis excavaverit.

Saxum e Vyomina. Media imagine videtur stratum canum argillosum (iridio divitissimum) qua recognoscitur terminus Cretaceus Palaeogenicus

Rupes iuxta Drumheller Albertae. Subter strata cinerea Cretacea, supra strata nigra Palaeogenica videntur

Commissio Internationalis Stratigraphica terminum Cretaceum Palaeogenicum definit ab anomalia iridii qua vestigia illisionis meteoritae iuxta Chicxulub in stratis geologicis per omnem terrarum orbem inscribuntur. Hic terminus inceptum indicat aerae Kaenozoicae, systemati Palaeogenico, seriei Palaeocaenae, stadio Danio, perfectionemque aerae Mesozoicae, systemati Cretaceo, seriei Cretaceo superiori, stadio Maastrichtio.^[3]

Hoc aevo fretus seu mare Transsaharanum iam exstitisse censetur, quod usque in calorem maximum^(en) Palaeocaenum Eocaenum manserit.

Notae

1. Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
2. Theodisce Kreide-Paläogen-Grenze; Anglice Cretaceous–Paleogene boundary, KPg boundary
3. "International Chronostratigraphic Chart"

Bibliographia

• Luis W. Alvarez, Walter Alvarez, Frank Asaro, Helen V. Michel, "Extraterrestrial Cause for the Cretaceous-Tertiary Extinction" in Science n.s. vol. 208 (6 Iunii 1980) pp. 1095-1108
• Robert A. DePalma et al., "A seismically induced onshore surge deposit at the KPg boundary, North Dakota" in PNAS vol. 116 no. 17 (23 Aprilis 2019) pp. 8190-8199
• Anthony J. Fuentes et al., "Constructing a Timescale of Biotic Recovery across the Cretaceous–Paleogene Boundary, Corral Bluffs, Denver Basin, Colorado" (15 Maii 2019) apid bioRxiv.org
• A. Yu. Kurazhkovskii, N. A. Kurazhkovskaya, B.I. Klain, "Peculiarities of geomagnetic field behavior near boundary of the mesozoic - cenozoic" (27 Iulii 2017) apud arXiv.org
• Maureen A. O’Leary et al., Stratigraphy and paleobiology of the Upper Cretaceous-Lower Paleogene sediments from the Trans-Saharan Seaway in Mali (Bulletin of the American Museum of Natural History, no. 436) Textus interretialis
• Mathias M. Pires, Brian D. Rankin, Daniele Silvestro, Tiago B. Quental, "Diversification dynamics of mammalian clades during the K–Pg mass extinction" in Biology Letters vol. 14 no. 9 (1 Septembris 2018)
• Paul R. Renne et al., "Time scales of critical events around the Cretaceous-Paleogene boundary" in Science vol. 339 (2013) pp. 684-687
• Robert Sanders, "66 million-year-old deathbed linked to dinosaur-killing meteor" in Berkeley News (29 Martii 2019)
• Peter Schulte et al., "The Chicxulub Asteroid Impact and Mass Extinction at the Cretaceous-Paleogene Boundary" in Science vol. 327 (2010) pp. 1214-1218
• Amir Siraj, Abraham Loeb, "Breakup of a long-period comet as the origin of the dinosaur extinction" in Scientific Reports vol. 11 no. 3803 (2021)

Nexus externi

• "International Consensus — Link Between Asteroid Impact and Mass Extinction Is Rock Solid" (4 Martii 2010) apud Lunar and Planetary Institute
• Erik J. M. Koenen et al., "The Origin and Early Evolution of the Legumes are a Complex Paleopolyploid Phylogenomic Tangle closely associated with the Cretaceous-Paleogene (K-Pg) Boundary" (16 Martii 2019) in bioRxiv