Saxum arenaceum

Saxum arenaceum^[1] vel cos^[2] est saxum sedimentarium, e granis minoribus (usque ad 2 mm diametro) ferrumine aliquo minerali concretis, compositum.

Saxa arenacea prope Fontes Coloratenses

Vide etiam paginam discretivam: Cos (discretiva).

E quarzo, spato, mica, glauconite plerumque constat; qua de causa saxa arenacea in quarzina, spatina, galuconitina dividuntur. Alia mineralia admixta rariora sunt, ut magnetites, ilmenites, granatum etc. Ferrumen naturale saxorum arenaceorum variatur: argillosum (caolinites) vel calcosum (calcites, dolomites), e silicis vel ferri compositis factum etc.

Non solum ut caementa vel rudus, sed saepissime decorationis causa aliisque modis saxa arenacea usurpantur.

Quartzites est saxum arenaceum metamorphicum.

Saxum arenaceum quarzo abundans

Notae

1. M. Kirpicznikov et N. Zabinkova, Lexicon Rossico-Latinum in usum botanicorum, Leninopoli 1977, s.v. песчаник.
2. V. ordinationem Linnaeanam.

Nexus externi

• Saxum arenaceum (Britannica) (Anglice)
• Saxum arenaceum (Encyclopaedia Russica magna) (Russice)
• Saxum arenaceum (Encyclopaedia Norvegica) (Norvegice)