Regio Ircutensis

Regio Ircutensis^[1] (Russice Иркутская область, tr. Irkutskaja oblast' ), in Siberia orientali sita, est subiectum Foederationis Russicae, anno 1937 creatum, et ab anno 2000 in eius Districtum Foederalem Sibericum inclusum. Cum territorio Crasnoiarensi in occidente, Iacutia in septentrio-oriente, territorio Transbaicalico in oriente, Buriatia in oriente meridieque et Tuva in meridie-occidente contermina, aream 774 846 chm² et circa 2 410 milia incolarum (anno 2016) habet. Cisbaicalia hae terrae interdum appellantur.

Quick Facts

Close

Caput et urbs regionis maxima est Ircutia (cum agglomeratione, quae Ircutiam Schelechovio et Angaropoli urbibus coniungit), ceterae urbes sunt Bodaibo, Brattica, Udinium Inferius etc.

Baical lacus Siberiae maximus hic situs est et receptaculum aquae Bratticum lacus structilis immensus; alter lacus structilis receptaculum aquae Ust-Ilimense est. Flumina maxima Ieniseae accolae, Angara et Tungusca Inferior et Tungusca Transmontana in regione oriuntur; Biriussa et Ircutus et Ilimus et Occa Angarae accolae sunt. Etiam Lena flumen Siberiae maximum hic oritur; accolae eius Witimus et Kirenga et Cuta et Tschaia et Patoma Maior sunt.

[1]
' Regio Ircutensis, distr. Mamsko-Tshuiensis, ad ripam fluminis Lena sinistram' ; ' Regio Ircutensis, distr. Kirensis, pag. Ssuvorki ' ; 'In terra novalis distr. Bodabjinskii reg. Ircutensis prope flumen Lena inventus est' ;
- seu Irkutensis, v.: Regio Irkutensis, ad oram Occidentalem lacus Bajkal, ad saxa in sylva laricina et in insula Olchon ad rupes' ;
- vel Irkutskensis, v.: 'URSS, regio Irkutskensis, distr. Sljudjanesis' ;
- vel Ircutscana, v. "Dioecesis Ircutscana Sancti Iosephi" e The Hierarchy of the Catholic Church (situs a Davide M. Cheney elaboratus) (Anglice); constitutionem apostolicam.