Polydectes
From Wikipedia, the free encyclopedia
Polydectes (Πολυδέκτης) fuit Magnetis filius et Seriphi insulae rex, qui Perseum Iovis et Danaës filium educavit, cuius tandem ingenium veritus, audaciamque et felicitatem, sub praetextu aeternae gloriae, illum ad superandam Gorgonem Medusam impulit, Qua devicta redeunti Perseo cum semper detraheret, conversus est ab illo in silicem, monstrato capite Medusae. Hanc scaenam in Pinacotheca Atheniensium ad Propylaeos sita pictam vidit Pausanias[1].
Ovidius haec de Polydecte narrat:
- Te tamen, o parvae rector, Polydecta, Seriphi,
- nec iuvenis virtus per tot spectata labores
- nec mala mollierant, sed inexorabile durus
- exerces odium, nec iniqua finis in ira est;
- detrectas etiam laudem fictamque Medusae
- arguis esse necem. 'dabimus tibi pignora veri.
- parcite luminibus!' Perseus ait oraque regis
- ore Medusaeo silicem sine sanguine fecit.[2]
Alii apud Dictyn, sororem huius, Danaen cum Perseo hospitatam esse tradunt.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
