From Wikipedia, the free encyclopedia
Pixel[2] (fortasse sive -ellis, n., sicut mel et fel, sive indecl.; px notatum) est minimum elementum quod in “craticula” cuiuscumque imaginis digitalis pingi potest. Unumquodque pixel est indicium, singulo colore pictum, imaginis originalis; plura igitur indicia ad meliorem repraesentationem imaginis ducunt. In plerisque machinis photographicis digitalibus, pixella sunt minima elementa quae systema internum tractare potest.
Verbum amalgamatum pixellis e compositione compendiorum Anglicorum pix, pro pictures, ‘imagines’ significantis (litterā “x” in locum compagis “cs” substitutā), et el, pro ‘elemento’, oritur – conferantur similes neologismi voxel(en)(d)[3] (‘voluminis elementum’) et texel(en)(d)[4] (‘textūs elementum’). Verbum quidem pix anno 1932 in nonnullis titulis Anglicis commentarii periodici picti Variety primum apparuit compendium verbi pictures, pelliculas significans,[5] quod tamen ab anno 1938 adhiberi inceptum est etiam ad photographemata indicanda.[6] Anno 1965 Fredericus Crockett Billingsley(en)(d) (apud Jet Propulsion Laboratory opera dans), ut de imaginum elementis narraret quae ex exploratris spatialibus ad Lunam et Martem missis proveniebant, vocabulum Anglicum pixel primum divulgavit.[7] Billingsley dixit se verbum a Keith E. McFarland didicisse, qui tamen negavit originem scire et tantummodo effatus est vocabulum illo tempore iam in usu fuisse.[6]
Nonnulla notio “elementi imaginis” inventionem televisionis praecessit. Exempli gratia, Paulus Gottlieb Nipkow(en)(d) in suo diplomate inventionis anni 1888 verbo Theodisco Bildpunkt (‘punctum imaginis’) usus est ad pixel significandum. Post annum 1911 in nonnullis diplomatibus inventionis Americanis locutio Anglica picture element adhibita est.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
