Ocrea

Ocrea erat cruris anterioris tegumentum ex metallo aut corio quo gladiatores Romani et milites in pugna ad tibias tuendas utebantur. Maior aut minor erat secundum scuti altitudinem. Eadem Graece cnemis appellata pars hoplitarum panopliae erat. Hodieque in pluribus ludis (exempli gratia in pediludio) lusores ocreas gerunt ad tibias adversus ictus protegendas.

Hoplites cnemidem in crus ponit (VI saec. a.C.n.).

Thraex gladiator cum magnis ocreis.

Equus ocreatus.

Medio aevo calceorum species erat stivalibus crassior^[1].

Notae

1. Du Cange.

Plura legere si cupis

• Joh. Fridericus Durrius atque Joh. Christop. Eberlinus, Ex historia potissimum sacra dissertationem de veterum calceamentis : caliga, ocrea, calceo et solea, examini... publico ad diem 4. april. a. C. 1688 in alma Altdorfina exhibent, Altdorfii, 1688
• D. Sim et J. Kaminski, Roman imperial armour : the production of early imperial military armour, Oxonii, 2012

Nexus externi

• Statua antiqua gladiatoris cum ocrea in laevo crure tantum.