Nuptiae Alexandri Epirotae et Cleopatrae, id est Alexandri I regis Epiri et Cleopatrae filiae Philippi II Macedonis, Aegis in Macedonia anno 336 a.C.n. celebratae sunt. Eo die dum nuptias sacrat Philippus necatus est. Res breviter ab Iustino in epitoma historiarum deperditarum Pompei Trogi enarratur, productius a Diodoro Siculo. Iustinus enim:
- Interea, dum auxilia a Graecia coeunt, nuptias Cleopatrae filiae et Alexandri, quem regem Epiri fecerat, [Philippus] celebrat. Dies erat pro magnitudine duorum regum, et conlocantis filiam et uxorem ducentis, apparatibus insignis. Sed nec ludorum magnificentia deerat; ad quorum spectaculum Philippus cum sine custodibus corporis medius inter duos Alexandros, filium generumque, contenderet, Pausanias, nobilis ex Macedonibus adulescens, nemini suspectus, occupatis angustiis Philippum in transitu obtruncat diemque laetitiae destinatum foedum luctu funeris facit ... (Iustinus, Epitome Pompei Trogi 9.6.1-4).
Diodorus has res curiosissime narrat, a comissatione pridiana incipiens (Diodorus Siculus, Bibliotheca historica 16.92.5-93.2).
De hac re nexus intervici usque adhuc absunt. Adde, si reppereris.Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
