Nicomedia

Nicomedia (Turcice: Izmit, Graece Νικομήδεια, ante Nicomedem I Olbia nominata ut docebat Plinius ^[1]) est Turciae urbs 287970 incolarum iuxta Propontidem et provinciae Kocaeli caput. Ante imperium Ottomanicum caput regionis historicae Bithyniae erat.

Vide etiam paginam discretivam: Olbia (discretiva).

Collocatio Nicomediae

Historica

A rege Nicomede I anno 264 a.C.n., incolis vicinarum urbium eo translatis, magnifice condita ut caput regni fieret, Romanorum tempore quoque rectorum provinciae sedes erat e quibus fuit praeclarus scriptor Plinius Minor^[2]. A Septimio Severo cuius partibus Nicomediae incolae favissent tum cum vicini Nicaeenses partes adversas sequebantur, urbs ornamentis multis decorata est. Diocletianus sibi palatium ibi aedifivavit unde partem orientalem Romani imperii regeret. Saepe terrae motibus quassata est. In primis die 24 Augusti 358 ingens terrae motus urbem delevit et plurimos homines necavit^[3]. Iulianus imperator qui ibi ab episcopo Eusebio educatus erat pecunias e quibus restitueretur dedit^[4]. Sed iam anno 362 exeunte terra iterum mota est^[5] et postea denuo imperante Theodosio II et Iustiniano.

Administratio ecclesiastica

Nicomedia est sedes episcopalis titularis Ecclesiae Catholicae Romanae.

Clari incolae

Nati

• Arrianus, historicus

Notae

1. Naturalis Historia V.148
2. Epistularum liber decimus. Vide in primis epistolam 34 de incendio quod anno 111 partem urbis delevit.
3. Ammianus Marcellinus XVII.7.1-8.
4. Ammianus Marcellinus XXII.9.3-4.
5. Ammianus Marcellinus XXII.13.5.

Plura legere si cupis

• Boulhol Pascal, "L'apport de l'hagiographie à la connaissance de la Nicomédie paléochrétienne (toponymie et monuments)", in Mélanges de l'école française de Rome, 1994 (106-2)ː 921-992
• François Jacques, "Les séismes de l'Antiquité tardive d'après les sources. Problèmes méthodologiques", Bulletin de l'Association de Géographes Français, 1984ː 49-55

Terra

Haec stipula ad urbem spectat. Amplifica, si potes!