Neratius Cerealis

Neratius Cerealis (nescimus, quando natus quandove mortuus sit) vir publicus Romanus saeculi quarti fuit.

Familia

Soror eius Galla erat, quae Flavio Iulio Constantio fratri e patre Constantini I imperatoris nupsit, frater Vulcacius Rufinus praefectus praetorio. Ceralis filium habuit nomine Neratii Scopii. Hieronymus Doctor Ecclesiae responsam viduae iuvenis rettulit, quam aetate provectus in matrimonium ducere voluit: Siquando nupturam, se maritum, non hereditatem electuram^[1].

Munus

Possidebat balnea Neratii Cerealis Romae in Colle Esquilino inter hodiernam basilicam Sanctam Mariam Maiorem atque basilicam Iunii Annii Bassi.

Cursus honorum

Anno 328 Neratius praefectus annonae fuit^[2]. Anno 351 inter iudices erat, qui Photinum episcopum haeresiae damnaverunt^[3]. Anno 352 a Constantio II praefectus urbi Romae factus est, postquam hic urbem a Magnentio usurpatore recepit. Eo tempore Constantio in Foro Romano statuam erexit (Restitutori urbis Romae adque orbis, et extinctori pestiferae tyrannidis), cuius basis adhuc exstat^[4]. Anno 358 consul factus est una cum Censorio Datiano.

Notae

1. Hieronymus, ep. 127
2. Codex Theodosianus XIV 24,1
3. Epiphanius, Panarion sive Contra haereses 71
4. CIL VI 1158

Antecessores: Imp. Caesar Flavius Iulius Constantius Augustus IX et Flavius Claudius Iulianus Caesar II

Consul 358 cum Censorio Datiano

Successores: Flavius Eusebius et Flavius Hypatius