Li Qiang
politicus From Wikipedia, the free encyclopedia
Li Qiang, characteribus Sinicis simplicibus 李强 (Rui'an in urbe Cechianae natus mense Iulio 1959) est politicus Sinarum. A die 11 Martii 2023 praeses consilii, scilicet primus minister, meret, praeside Xi Jinping.
(crop).jpg)
.svg)
In officinis laboravit usque in annum 1978; deinde machinationi agronomicae studuit apud collegium agronomicum Zhejiangense. Tardius in universitate Zhejiangensi et universitate polytechnica Hongcongensi studia persecutus est. Praesertim in administratione urbana provincialique sub factione communistica Sinensi laborabat, at praecipue in provincia nativa Cechiana ubi prope Xi Jinping operam dabat. Secretarius fuit urbi Wenzhou ab anno 2002 duos annos. Gubernator Cechianae ab 2013, gubernator Chiamsuae a die 30 Iunii 2016 menses quindecim, denuo secretarius urbi Sciamhaevo a die 29 Octobris 2017 quinque annos meruit.
Huic urbi sub pandemia COVID-19 clausum(en) strictissimum imponebatur, Li Qiang dirigente: qui censetur decretis rei publicae obtemperavisse dum liberalius agere volebat.
Bibliographia
- Eduardo Baptista, Tony Munroe, Martin Quin Pollard, "China's next premier Li: A Xi loyalist who oversaw Shanghai lockdown" (23 Octobris 2022) apud Reuters
- Julie Zhu, Yew Lun Tian, Engen Tham, "Insight: How China's new No.2 hastened the end of Xi's zero-COVID policy" (3 Martii 2023) apud Reuters
Praesides consilii rei publicae popularis Sinarum
 | |
|
Zhou Enlai 1954 • Hua Guofeng 1976 • Zhao Ziyang 1980 • Li Peng 1987 • Zhu Rongji 1998 • Wen Jiabao 2003 • Li Keqiang 2013 • Li Qiang 2023 | |
Wikiwand - on
Seamless Wikipedia browsing. On steroids.