Kraiburg ad Aenum

Chrayburga^[1] ad Aenum vel Kraiburg ad Aenum (Theodisce Kraiburg am Inn) est forum et commune in circulo Bavarico Mühldorf ad Aenum ac sedes societatis administrationis Chrayburgae ad Aenum.

Insigne communis Chrayburgae

Geographia

Chrayburga commune ex 54 vicis constat. Vicinum commune est septentrionale Waldkraiburg, orientalia Polling et Oberneukirchen, meridiana Taufkirchen et Unterreit, occidentale Jettenbach.

Res gestae

Chrayburga anno 1721

Moles aetatis glacialis et lapides a flumine Aeno depositi apud Chrayburgam formaverunt. Inventa praestant fines ab aetate aerea (1800 a. C. n.) frequentatos esse. Sed Chrayburga palam factum est amplo opere tessellato Romano, quod in thesauro archaeologico publico Monaci videri potest. Suspicio est teloneum ibi commeatum inter provincias Romanas Raetiam et Noricum inspexisse.

Nomen Chrayburgae primum anno 772 per litteras commemoratum est.

Res publica

Post electiones annis 2014 et 2020 consilium municipale ita componebat:

factio	CSU	SPD	Virides	UWG	tote
sedes 2020	7	2	2	5	16
sedes 2014	8	2	1	5	16

Petra Jackl (CSU) est ex 1 Maii 2020 civium princeps Chrayburgae.

Pristini civium principes:

Forum et ecclesia parochialis Sancti Bartholomaei Apostoli

Herbertus Heiml (CSU, 2012 – 2020) Michael Loher (UWG, 2002 – 2012) Aloisius Schlagmann (CSU, 1981 – 2002) Ioannes Kifinger (1978 – 1981) Aemilius Storfinger (1972 – 1978) Ioannes Brandl (1948 – 1972) Christianus Drechsel (1945 – 1948)

Ioannes Nennhuber (1935 – 1945) Martinus Wesner (1932 – 1935) Hubertus Wimmer (1919 – 1932) Ioannes Gillitzer (1913 – 1919) Aloisius Hardt (1901 – 1913) Antonius Schenkl (ad 1901)

Res visendae

Forum et puteus

• forum et ecclesia parochialis Sancti Bartholomaei
• collis castelli cum prospectu vallis Aeni
• ecclesia succursalis Sancti Maximiliani in vico Sancti Maximiliani
• ecclesia succursalis Sancti Aegidii in vico Kolbing
• regia Guttenburgi
• museum patriae in horreo salis historico

Nexus externi

Situs geographici et historici: Locus:  • OpenStreetMap • GeoNames • "09183124" apud Statistik-Portal

• https://de.wikipedia.org/wiki/Kraiburg_am_Inn
• https://web.archive.org/web/20210716133949/https://kraiburg.lra-mue.de/

Notae

1. Benedict, Friedrich, Orbis latinus. Lexikon lateinischer geographischer Namen des Mittelalters und der Neuzeit / 1. A - D, Braunschweig 1972, S. 511.

Communia circuli Muhldorpiensis

Amfinga | Aschau ad Aenum | Buchbach | Chrayburga ad Aenum | Egglkofen | Ehardinga | Garsa ad Aenum | Haga | Heldenstein | Jettenbach | Kirchdorf | Lohkirchen | Maitenbeth | Mettenheim | Mühldorf ad Aenum | Niederbergkirchen | Niedertaufkirchen | Novumforum et Sanctus Vitus | Oberbergkirchen | Oberneukirchen | Obertaufkirchen | Polling | Rattenkirchen | Rechtmehring | Richerisheima  | Schönberg | Schwindegg | Taufkirchen | Unterreit | Waldkraiburg | Zangberg