Iosephus Mallord Gulielmus Turner

Iosephus Mallord Gulielmus vulgo Joseph Mallord William Turner (Londinii die 23 Aprilis 1775 natus; ibidem, accurate in Chelsea regione urbana, die 19 Decembris 1851 mortuus) fuit pictor Britannicus more Romanticismo.

Iosephus Mallord Gulielmus Turner

Res apud Vicidata repertae:

Iosephus Mallord Gulielmus Turner: imago

Iosephus Mallord Gulielmus Turner: subscriptio

Nativitas: 23 Aprilis 1775; Maiden Lane
Obitus: 19 Decembris 1851; Cheyne Walk
Patria: Britannia, Britanniarum Regnum

Familia

Coniunx: no value

Memoria

Sepultura: Ecclesia cathedralis Sancti Pauli

Domus ubi vixit artifex, in via Sandycombe, Twickenham in tribu Londinii occidentalis

Vita

Tabula commemorativa in caupona quadam ad Chelsea ubi hospites erant annis inter 1708 et 2012 - praeter Turner - Agatha Christie, Ioannes Singer Sargent, Iacobus McNeill Whistler, Bob Marley

Filius tonsoris tirocinium fecit apud Thomam Malton (pro perspectivis) et apud architectum Thomam Hardwick; aedificatoribus pluribus opera topographica exarare praesto erat. Famam sibi nactus est plagis apud flumina lacusque pictis in Anglia. Postea autem saepius fuit in Francia, Helvetia, Italia et Rhenania.

Anno 1802 Academiae adhaerere licuit et anno 1807 creatus est professor in perspectivis. Praelectiones autem paucos annos tantummodo habuit.

Gravitudo

Turner inter plagarum pictores totius mundi illustrissimos numerari potest. Qui in principio obscuritatem praetulerat, statim sibi Claudium Lorrain imitandum selegit. Iste vir etiam argumenta sua mutua dedit et mox a Gulielmo Turner superatus est: de hoc testimonium perhibent tabulae in Pinacotheca Nationali Londiniensi pendentes de Solis ortu in nebula sive de Carthagine a Didone aedificata. Lorrain vincebatur etiam quod ad lucem coloresque attinet: nam lux et color rebus paulo adumbratis omne opus per se dominarentur. Itaque sensus ratione inusitata directo redderentur coloribus numquam antea visis in mixturis novis (praesertim tonis cano et argenteo, viridi et caeruleo, flavo clarissimo, aureo, rubro acuto. Contemporanei nonnulli explicationem tonorum novorum in insania oculari artificis inveniebant.

Aquarellis autem ars eius maxime effrenata esse potuit. Opera multa Pinacothecae Nationali Londiniensi post mortem curanda reliquit, ubi admirationi patent e.g. Mors Nelson, Apollo Pythum necans, Hesperidum hortus, Hannibalis iter Alpinum, C. Harold peregrinans, Palatium Caligulae Baiis, Sepultura Wilkie in mari, Richmond Hill, Odysseus et Polyphemus, Antrum magicum reginae Mab variae Venetiarum conspectus.

Opera nonnulla sub titulo Liber studiorum edenda curavit ad instar contrariumque operis Claudiani praetitulati Liber veritatis. Insuper imaginibus ornavit poesim Georgii Byron, Thomae Campbell, Gualteri Scott et aliorum. Magnanimus pecuniam multam dedit ut hospitium pro artificibus pauperibus erigeretur.

Opera selecta

• 1839 : Roma hodierna: Campo Vaccino
• 1839 : Roma antiqua: Agrippina cinera Germanici advehit

Bibliographia

• Anthony Bailey, Standing in the Sun: a life of J. M. W. Turner. Londinii: Sinclair-Stevenson, 1997. ISBN 1-85619-389-6
• James Hamilton, Turner: a life. Londinii: Hodder and Stoughton, 1997. ISBN 0-340-60623-1
• Alexander Joseph Finberg: The life of J. M. W. Turner, R. A. Clarendon Press, Oxoniae 1939
• Werner Hofmann (ed.): William Turner und die Landschaft seiner Zeit. Ausstellungskatalog der Kunsthalle Hamburg. Prestel, Monaci 1976, ISBN 3-7913-0375-9
• Mordechai Omer: Turner. Die Landschaften der Bibel. Gondrom Verlag, Baruthi 1985, ISBN 3-8112-0416-5.
• Andrew Wilton: Turner Abroad. France, Italy, Germany, Switzerland. British Museum Publications, Londinii 1985, ISBN 0-7141-8047-5.
• Georg W. Költzsch: William Turner. Die Wahrheit der Legende. DuMont-Literatur-und-Kunst-Verlag, Coloniae Agrippinae 2002, ISBN 978-3-83217196-4.
• Franny Moyle: Turner. The extraordinary life and momentous times of J. M. W. Turner. Viking / Penguin Books, Londinii 2016, ISBN 978-0-670-92269-7.
• Kunstmuseum Luzern (ed.): Turner – Das Meer und die Alpen. Hirmer Verlag, Monaci 2019, ISBN 978-3-7774-3267-0, Ausstellungskatalog.
• Christoph Werner: Um ewig einst zu leben. Caspar David Friedrich und Joseph Mallord William Turner. Mythistoria. Bertuch, Vimariae 2006, ISBN 3-937601-34-1.

Nexus externus

Vicimedia Communia plura habent quae ad Gulielmum Turner spectant.

• Opera apud zeno.org
• Iter Gulielmi Turner in Rhenaniam
• Societas Turneriana Britannica
• Vita summatim

Pinacotheca

• 
  Constantia ad Lacum Bodamicum, anno 1800
• 
  Quattuor Regionum Lacus anno 1802
• 
  Canalis Magnus Venetiarum circa annum 1835
• 
  Harbour's Mouth , 1842