Ienisea Minor

Ienisea Minor^[1] (Russice Малый Енисей, Tuvinice Каа Хем / Kaa Chem, i.e. flumen parvum) est flumen Tuvae, Ieniseae fons laevus. In Hierocaesarea urbe cum Ienisea Maiore confluit, quo Ienisea flumen oritur. Flumen est montanum cataractis abundans.

Ienisea Minor

Cataracta Ieniseae Minoris
Longitudo	615/563 chm
Decursus aquae	410,19 (Hierocaesareae) m³/s
Area systematis	58 700 chm²
Fons	disputatur
Ostium	Ienisea
Regio	Tuva, Mongolia

Vide etiam paginam discretivam: Ienisea (discretiva).

Fons Ieniseae Minoris in variis tabulis et registris diversus indicatur. Interdum flumen Balyktyg Chem (Latine flumen Piscium) fluxus Ieniseae Minoris superior habetur; in demissione Tere Chol Tuvae oritur; longitudo Ieniseae Minoris cum Balyktyg Chem 563 chm est. Interdum flumen Kyzyl Chem (Latine flumen Rubrum), quod cum Balyktyg Chem confluit, fluxus superior Ieniseae Minoris putatur; hoc in montibus Ulaan Taiga Mongoliae oritur et Mongolice Bachtachyn Gol et Šišgid Gol nominatur. Longitido Ieniseae Minoris cum Kyzyl Chem 615 chm est.

Notae

1. Cf. Ieniseae principalis nomen.

Nexus externi

Situs geographici et historici: Locus: , , ,  • GeoNames • Большая российская энциклопедия

• Ienisea Minor in Registro nationali aquarum (Russice)