From Wikipedia, the free encyclopedia
Gryphes dynastia in ducatu Pomeraniae a saeculo XII usque ad annum 1637 regnans erant.
Cum regnarent, saepius simpliciter “duces Pomeraniae” appellabantur. In libris mortem ultimi ducis Bogislai XIV commemorantibus “Gryphes” nominantur[1][2]; ducissa Anna (1590–1660) autem tamquam “Gryphicae gentis (…) ultima” in epitaphio suo[3] Stolpiae describitur. Theodisce stirps haec die Greifen dicitur, polonice autem Gryfici, unde et Latine “Gryphitarum”[4] nomen invenitur.
Nomen hoc a gryphe, insigni heraldico ducum Pomeraniae, desumptum est.
Origo dynastiae, utrum e nobilitate Pomerana aut Polona, incerta est. Primus dux Pomeraniae, de quo constat, Wartislaus I (†1135) erat, ultimus autem Bogislaus XIV (1580–1637)[5]. E hac stirpe etiam Ericus (1382–1459), rex Daniae, Sueciae et Norvegiae originem suam duxit.
Ernestus Bogislaus de Croy (1620–1684), episcopus Caminensis[6] et ducissae Annae filius, thesauros quosdam Gryphum quos possidebat testamento Universitati Gryphiswaldensi obtulit. Inter quos sic dictum Tapetum Concordiae, anno 1537 factum, nominandum est, in quo duodecim duces ducissaeque Pomeraniae repraesentantur. Hoc tapetum decimo quoque anno publice profertur inter festa quibus Gryphum dynastia celebratur; quod festum, theodisce Croy-Fest dictum, a saeculo septemdecimo usque ad tempora nostra (exceptis annis 1940–1992) colitur[7].
In honorem eorum Ranunculus gryphum, microspecies Ranunculi auricomi in Pomerania crescens appellata est.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
#/media/Plik:S%C5%82upsk,_ko%C5%9Bci%C3%B3%C5%82_%C5%9Bw._Jacka_-_grobowiec_Anny_de_Croy.jpg){kind=link}