Amur

Amur^[1] sive Amura^[2] (Russice Амур; Sinice 黑龙江, Hēilóng Jiāng, i.e. 'flumen draconis nigri') est flumen in Asia, in Foederatione Russica et Re Publica Populari Sinarum. Longitudinem 2824 habet.

Tabula geographica pelvis siccantis fluvii Amur

Amur

Amur fluvius in Fortunia urbe Russiae
Longitudo	2824 chm
Altitudo fontis	304 m
Decursus aquae	in ostio 12 800 m³/s
Area systematis	1 855 000 chm²
Fons	Confluxus Schilcae et Arguni
Ostium	Mare Ochotense
Regio	Oriens Extremus

Fluxus

"Ex coniunctione Schilcae et Arguni Amur fluvius oritur"^[3] in confinio Russiae et Sinarum et per comfinum diu ad orientem et meridiem fluit. In Russia ripas territorii Transbaicalici, regionis Amurensis, regionis autonomae Iudaicae, in Sinis Heilongjiang proviniciae ripas alluit. Post in orientem et septentrionem vertit et per territorium Fortunianum Russiae fluit et in fretum Tataricum (pars maris Ochotensis oceani Pacifici effunditur. Fluxus Amuris ab initio ad Evangelistriam urbem fluxus superior putatur, ab Evangelistria ad Fortuniam medius, a Fortunia ad mare inferior.

Accolae

Zeia (quae loco confluvii maior Amure est) et Bureia et Sungari et Amgun et Ussuri tributarii Amuris maximi sunt. In Sinis Zeia et Bureia ut pedes "draconis nigri" laevae, Sungari et Ussuri ut pedes dextrae describuntur.

Amur in Permico

Urbes ad ripas sitae

Ad Amurem siti sunt, in Russia::

• Albasinum vicus antiquus
• Evangelistria regionis caput
• Fortunia territorii caput,
• Permicum urbs industrialis et
• Nicolaopolis ad Amurem urbs prope ad ostium,

in Sinis autem Hēihé urbs magna, exadversum Evangelistriam.