Alvi profluvium

Alvi profluvium^[1] sive diarrhoea^[2] (Graece διάρροια) est morbus, vel potius morbi indicium. Dicitur diarrhoea esse, cum defaecatio crebra (plus quam ter in die) et magna (plus quam 200 g/die) est. Saepe merda fluida est.

Saepissime efficitur ab infectione intestinorum viro, bacterio, aut parasito, quae diarrhoea infectiosa sive gastroenteritis appellatur. Vulgata alvi profluvii causa in infantibus et pueris est rotavirus.

Alvi profluvium in suibus foria appellatur.^[3]