Devonium

Devonium^[1] est systema stratigraphicum et periodus geologica.

Holoptychius (Osteichthyes): fossilia plura systematis Devonii superioris e rupibus Dura Den Scotiae extracta. Museum Mundanum Liverpoliense

Divisio quarta ab infima constituit tam aerae Palaeozoicae quam aeonis Phanerozoicae. Abhinc 4 192 ± 32 centies milium annorum coepit, antecessore Silurio. Finem habuit abhinc 3 589 ± 4 centies milium annorum, successore Carbonifero, secundum scalam aevorum geologicorum Commissionis Internationalis Stratigraphicae.^[2] Devonium inceptum ex antiquissimis fossilibus Monograpti uniformis datur.^[3]

Prospectus aevi Devoniani restitutus

In tres series dividitur, quae inferius, medium, superius appellantur. In septem stadia dividitur, quae ab infimo ad supremum Lochkovium, Pragium, Emsium, Eifelium, Givetium, Frasnium, Famennium appellantur.^[4]

E nomine Devoniae appellatur, regione Angliae occidentalis, ubi strata huius periodi primum recognita sunt. Primum anno 1840 Adam Sedgwick et Rodericus Murchison nomen Anglicum Devonian system definiverunt e propositione Gulielmi Lonsdale. ^[5][6][7]