Adelaidopolis

Adelaidopolis,^[1] vel Adelaidis,^[2] est urbs Australiae anno 1836 condita caputque provinciae Australiae Australis. Numerus incolarum anno 2014 fuit 1 304 631. Universitas Adelaidensis anno 1874 condita est. Adelais de Saxonia-Meiningen regina metropoli nomen suum dedit.

Adelaidopolis

Res apud Vicidata repertae:

Adelaidopolis: insigne

Civitas: Australia
Locus:
Numerus incolarum: 1 387 290
Zona horaria: UTC+9:30, UTC+10:30
Situs interretialis
Nomen officiale: Adelaide

Gestio

Procuratio superior: Australia Australis

Geographia

Superficies: 1 295 chiliometrum quadratum
Regiones urbanae: Adelaide, Adelaide Hills, Burnside, Campbelltown, Charles Sturt, Gawler, Holdfast Bay, Marion, Mitcham, Norwood, Payneham and St Peters, Onkaparinga, Playford, Port Adelaide Enfield, Prospect, Salisbury, Tea Tree Gully, Unley, Walkerville, West Torrens

Coniunctiones urbium

Urbes gemellae: Urbs Fluminensis, Christopolis, Himeji, George Town, Ferrol, Ultima Sinarum, Zapopan

Clima

Urbi Adelaidi clima est mediterraneum per enumerationem Köppen–Geiger, aestate a mense Novembri calidissima, hieme a mense Iunio mitiore; temperatura aëris minima mensibus Iunio, Iulio, Augusto 8° atque mensibus Ianuario Februarioque 17°, maxima inter 15° et 29°, sed minima extrema usque hodie nota (die 8 Iunii 1982) −0.4°, maxima extrema (die 12 Ianuarii 1939) 46.1°; pluviis mense Februario ad 13.5 mm tantum, mense Iunio 79 mm, toto anno non minus quam 545 mm elevatis, pluvio diurnali omnino maximo 141.5 mm die 7 Februarii 1925; diebus pluviosis per annum totum fere 120 accidentibus; humiditate relativa inter mensuras 36% (Ianuario et Februario) et 61% (mense Iunio) reperta, horis solis fulgentis per annum totum 2 765 repertis.^[3]

Incolae notabiles

Despectus in Adelaide prima luce

Adelaidis

• Judith Anderson, actrix (Adelhaidi 1897 nata)
• Gulielmus Henricus Bragg, physicus. Anno 1915 Nobelianum Physicae Praemium cum filio Gulielmo Laurentio Bragg abstulit.
• Gulielmus Laurentius Bragg, physicus et crystallographus. Anno 1915 Nobelianum Physicae Praemium una cum patre Gulielmo Henrico Bragg abstulit de studio radiorum X.
• Iohannes Maxwell Coetzee, scriptor, qui anno 1983 Praemium Man Booker et anno 2003 Praemium Nobelianum Litteraturae accepit.
• Howard Gualtero Florey, pharmacologus. Anno 1945 Praemio Nobeliano medicinae una cum Ernestus Boris Chain et Alexander Fleming laureatus est.
• Iulia Gillard, causidica, fuit a die 24 Iunii 2010, cum decessor suus Coemgenus Rudd se ex ipso munere recusavit, Australiae primus minister.
• Robin Warren, pathologus, qui anno 2005 Praemium Nobelianum physiologiae et medicinae accepit.
• Galaad Zuckermann, glottologus et linguisticae professor.