Acheron

Acheron^[1] (Graece Ἀχέρων, Neograece Αχέροντας) est flumen quod per 58 chiliometra extenditur, et per Epirum in Graecia septentrio-occidentali fluit. Quod flumen etiam in mythologia Graeca reperiri potest, ubi Orcus flumine Acheronte continetur.

Acheron

Vallis fluminis Acherontis
Longitudo	58 chm
Fons	Tomaros, Ori Souliou in nomo Ioannina
Ostium	Mare Ionicum
Regio	Epirus (Graecia septentio-occidentalis)

In mythologia

In illustratione divinae comoediae Gustavus Doré pinxit Charontem mortuos per Acherontem in Orcum transducere.

In mythologia Graeca et in Dantis Divina Comoedia, Acheron est unus e quinque fluminibus Orci, ubi Styx, Cocytus, Phlegethon, et Lethe in Acherontem effunduntur.

Praeter Stygem, Acheron dicitur flumen super quod Charon mortuos in Orcum traducit.

In Platonis Phaedone, mortui qui medio modo vitam peregerunt per Acherontem in paludem Acherusiam perveniunt, ubi poenas dantes iniuriarum purgantur.

Nexus interni

• Acherontia
• Acherontiini

Notae

1. Cicero, De natura deorum 3.43.14 (de flumine mythologico); Livius, Ab urbe condita 8.24.3.2 (de flumine vero).

Fontes

• Pausanias libro primo Graeciae descriptionis XVII.5.
• Plato, Phaedo 112e-113a

Nexus externi

Vicimedia Communia plura habent quae ad Acherontem spectant.

Situs geographici et historici: Locus: , ,  • GeoNames • Pleiades • Store norske Lexikon

• De Acheronte^{[nexus deficit]} in William Smith, ed., Dictionary of Greek and Roman Geography (1854).