Vuoksi
From Wikipedia, the free encyclopedia
Vuoksi[1] (Russice Вуокса, Carelice Vuokša, Finnice Vuoksi) est flumen in regionibus Carelia Meridionali Finniae et Leninopolitana Russiae. Per Isthmum Carelicum fluit. E lacu Saima incipit, per Imatram urbem et Imatrae torrentem fluit. In Russia Svetogorsk urbs ad Vuoksim stat. Trans Vuoksi lacum flumen transit. Ostium Vuoksis fluminis vetus in Corela urbe fuit; sed nunc paene exsiccatum est, nam in lacum Suchodol'skoje per ramum artificialem aqua Vuoksis abit et inde per ramum, qui Russice Burnaja (flumen Rapidum) nuncupatur, in Ladogam effunditur.
More information Longitudo, Altitudo fontis ...
Longitudo | 143 chm |
---|---|
Altitudo fontis | 73 m |
Decursus aquae | 684 m³/s |
Area systematis | 68 501 chm² |
Fons | Saimaa lacus |
Ostium | Lacus Ladoga |
Regio | Carelia Meridionalis Finniae, regio Leninopolitana Russiae |
Close
Antiquitus loco Vuoksis fretum inter Ladogam et sinum Finnicum erat, et iam Aevo Medio naves e Saima ad Viburgum ire poterant.