![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/The_Death_of_Cleopatra_arthur.jpg/640px-The_Death_of_Cleopatra_arthur.jpg&w=640&q=50)
Vita Marci Antonii (Plutarchus)
From Wikipedia, the free encyclopedia
Vita Marci Antonii est libellus biographicus de M. Antonio triumviro a Plutarcho Chaeroneensi saeculo I p.C.n. compositus et in serie Vitarum parallelarum comprehensus; in qua serie Plutarchus comparationem facit inter Demetrium Poliorcetem et Antonium. Fontes varios adhibuit : Ciceronis Orationes Philippicas; Augusti libros De vita sua; Asinii Pollionis Historias; Q. Dellii Historias; historiam ab Olympo scriptam, Cleopatrae medico; fortasse etiam memorabilia ab aliis conscripta de morte Antonii et Cleopatrae; sine dubio fontes orales sicut Philotas Amphissensis medicus, Lampriae (Plutarchi avi) amicus, qui de coquina palatii Alexandrini narraverat. Quinto decimo saeculo a Leonardo Aretino, sexto decimo a Guilielmo Xylandro Latine versus est.
![Thumb image](http://upload.wikimedia.org/wikipedia/commons/thumb/d/d9/The_Death_of_Cleopatra_arthur.jpg/640px-The_Death_of_Cleopatra_arthur.jpg)
Plutarchus breviter describit cenas Antonio a Cleopatra datas anno 41 a.C.n., opere fortasse Q. Dellii utens, atque cenam a Sex. Pompeio Miseni datam anno 39 a.C.n..
Haec vita, a Thomasso North Anglice versa, fons fuit ludi scaenici Antony and Cleopatra a Shakesperio scripti.