Victoria (Canada)
From Wikipedia, the free encyclopedia
Victoria (Inuktitut: Kitlineq),[1][2] vel Insula Victoriana,[3] est magna insula arctica in Archipelago Arctico Canadiensi sita, quae super fines Nunavut et Territoriorum Septentrio-Occidentalium Canadae insistit, ad meridiem occidentemque Insulae Principis Cambriae iacens. Terra insularis est octava a maxima orbis terrarum et secunda a maxima in Canada sita, 700 chiliometra longa et inter 564 et 623 chiliometra lata, cuius area est 217 291 chiliometra quadrata. Paene altero tanto maior quam Terra Nova (111 390 chiliometra quadrata), et aliquantulum maior quam Magna Britannia (209 331 chiliometra quadrata), sed minor quam Honsua est (225 800 chiliometra quadrata). Maximam orbis terrarum insulam intra insulam continet.[4] Occidentalis insulae tertia pars in Regione Inuvik Territoriorum Septentrio-Occidentalium iacet; quod restat pars Regionis Kitikmeot in Nunavut est.