![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ec/Torzhok_005.jpg/640px-Torzhok_005.jpg&w=640&q=50)
Tuertza
From Wikipedia, the free encyclopedia
Tuertza[1] (Russice Тверца) est flumen in regione Tueriensi Russiae. In Vysznievoloco urbe incipit, circiter 530 chm patet et in Volgam in Tueria urbe effunditur. Torsocia urbs ad Tuertzam stat. Per silvam in maxima parte longitudinis aquas fert. Pars est Systematis aquarii Vysznievolociani. Tempore antiquo e Tuertza in Tsnam flumen tractus navium ducebat, quo itinere naves inter Volgam et Novogardiam Ladogamque mareque Balticum navigare poterant.