![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b6/Trogonoptera_Troides_Ornithoptera.jpg/640px-Trogonoptera_Troides_Ornithoptera.jpg&w=640&q=50)
Ornithoptera
From Wikipedia, the free encyclopedia
Ornithopterae sunt papiliones familiae Papilionidarum qui in subcontinente Indico, Asia Orientali continentali et archipelagici sunt, et Australasia endemici, usitate ad terna genera pertinentes habiti: Ornithopteram, Trogonopteram, et Troidem. Nonnulli auctoritates alia genera addunt. Numerus specierum disputatur, sed plurimi auctoritates recentiores inter 30 et 40 agnoscunt. Ornithoperae ex magnitudine eximia, alis angularibus, et volatu avium simili appellatur.
![Thumb image](http://upload.wikimedia.org/wikipedia/commons/thumb/b/b6/Trogonoptera_Troides_Ornithoptera.jpg/640px-Trogonoptera_Troides_Ornithoptera.jpg)
Ordo : Lepidoptera
Familia : Papilionidae
Subfamilia : Papilioninae
Tribus : Troidini
Genus : Trogonoptera
Troides
Ornithoptera
Inter hos papiliones sunt nonnulla ex maximis in orbe terrarum papilionibus repertis: maximus, Ornithoptera alexandrae ; secundus, Ornithopera goliath ; et maximus in Australia endemicus, Ornithoptera euphorion. Alia species bene nota est Trogonoptera brookiana, praecipue pulchra species, ex Iacobo Brooke Equite, primo Rajah Albo Saravaciae saeculo undevicensimo, appellata.
Ob magnitudinem et colores claros, eae sunt conlectoribus papilionum gratissimae, sed omnibus ornithopteris a CITES[1] nunc descriptis, mercatus internationale circumscribitur, et mercatus Ornithopterae alexandrae omnino prohibetur.
Troides darsius, vulgo ornithoptera Taprobanes appellatur, est papilio civitatis Taprobanes.
![Thumb image](http://upload.wikimedia.org/wikipedia/commons/thumb/b/b2/Pair_of_Cairns_Birdwing_Butterflys_Kuranda_Butterfly_Sanctuary.jpg/640px-Pair_of_Cairns_Birdwing_Butterflys_Kuranda_Butterfly_Sanctuary.jpg)
Ornithopera richmondia ex planta Aristolochia praevenosa dependet, quibus larvae vescuntur; simillissima autem Aristolochia elegans, in multis hortis Australianis reperta, larvas interficit.