Tabulae Pyrgenses
From Wikipedia, the free encyclopedia
Tabulae Pyrgenses aureae tres, linguis Etrusca et Phoenicia inscriptae, dedicationem ferunt a Thefarie Velianas rege Caeretano prolatam deae Phoeniciae ʿAštaret. Tabulae anno 1964 Pyrgis (Santa Severa) repertae sunt hodieque in Museo Nationali Etrusco Romae iacent. Documentum eruditos certiores facit de Phoenicibus ad litora maris Tyrrheni circa 500 a.C.n. praesentibus et de negotiis eorum cum Etruscis. Clavem bilinguem ad sermonem Etruscum interpretandum haud praebet, quia textus Phoenicius breviarium tantum textus Etrusci constituit. Lingua Etrusca omnis adhuc intellegi non potest.[1]