Sonus (physica)
From Wikipedia, the free encyclopedia
Sonus est motus undulatorius vel pulsus, qui per medium elasticum quoddam (sicut aëra, liquidum, gas, solidum, plasma) propagatur, medii densitatem momentarie invicem contrahendo et dilatando.
- Si quaeris sonum in musica, vide tonus.
In vacuo, quod densitate caret, sonus procedere non potest. In gasibus ac liquidis, undae in longitudinem tantum moventur, in solidis autem etiam transverso itinere meant. Scientificum sonorum studium acustica appellatur.
Sonus audiendo percipitur. Id est, sonus et auditus sunt notiones coniunctae, et auditio organum auditorium poscit. Vulgo tamen dicitur sonus tactu quoque aut metiendo (id est sensorio) percipi. Quod autem ambiguum esse videtur, quia tactus et auditus dissimiles sensus sunt. Et quamquam sensorio undae aeriae enotantur, rectene dicamus sensorium "audire"?
Sonus hominis vox appellatur.