From Wikipedia, the free encyclopedia
Schola Novi Eboraci fuit privatus poetarum, pictorum, saltatorum, musicorumque grex artifex Novi Eboraci ab 1950 fere ad 1970 fere impiger, qui inspirationem ex superrealismo et motibus avant-garde cepit, praecipue ex pictura actionis, expressionismo abstracto, musica experimentali, iazo, et improvisatione theatrica.
In musica, persona maximi momenti fuit Ioannes Cage. Prima huius gregis compositorum proprietas est usus aleae notionem veri operis musici interrogans, quod vicissim nexus artus cum arte hodierna est, imprimis cum motu Fluxu. Compositores musicae minimalisticae a Schola Novi Eboraci partim moti sunt, insigniter a La Monte Young, qui partes magni momenti tempore brevi egit.
Compositores maximi momenti fuerunt Morton Feldman, Earle Brown, Christianus Wolff, Cornelius Cardew, Fridericus Rzewski, La Monte Young. Vocabulum autem schola ad hunc gregem compositorum designandum secundum Michaelem Nyman, unum ex auctoribus eiusdem aestheticae, falsus est, quia potius in scaena circumiectorum creatricum circa notiones Ioannis Cage operari solebant.[1]
Poetae saepissime cum Schola Novi Eboraci consociati sunt Ioannes Ashbery, Franciscus O'Hara, Kennethus Koch, Iacobus Schuyler, Barbara Guest, Theodorus Berrigan, Bernadetta Mayer, Alicia Notley, Kenward Elmslie, Ronaldus Padgett, et Iosephus Ceravolo.
Expressionismus abstractus est motus artifex, necessario in ramo picturae, sed etiam in sculptura et photographia, artibus paulo post secundum bellum mundanum in Civitibus Foederatis aliquantulum evolutis. Est etiam proprietas magni momenti Scholae Novi Eboraci artifices avant-garde Novi Eboraci agentes ante et post bellum una tractare.
Motus expressionismus abstractus natus est in circumiectis artificiosis Novi Eboraci decennium annorum 1940 et diu manebat, plerumque in Civitatibus Foederatis, usque ad 1970 fere. Mox apparuerunt alia artis genera quae certa expressionismi abstracti Americani propria evocabant, pictura actionis, colorfield painting, et abstractio post-painterly Anglice appellata, praecipue in operibus Jackson Pollock et Gulielmi de Kooning visa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.