![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/38/Empire_ghana.png/640px-Empire_ghana.png&w=640&q=50)
Regnum Ganae
From Wikipedia, the free encyclopedia
Regnum Ganae,[1] quod nunc saepe Imperium Ganense nominatur, fuit civitas antiqua in Africae Occidentali, praecipue in terris Maliae et Mauritaniae hodiernae sita. A saeculo octavo ad saeculum undecimo floruit. Reliquiae urbis Ganae capitis (quae et ipsa a nonnullis Gana nominatur) in Kumbi Saleh(en) anno 1910 inventae sunt. In septentrione Audagostum(d) oasis saeculo undecimo a Ganensibus occupatum est, in meridie flumina Senegalum et Nigrum regnum Ganae attingebat.
![Thumb image](http://upload.wikimedia.org/wikipedia/commons/thumb/3/38/Empire_ghana.png/320px-Empire_ghana.png)
Gana de fontibus Arabicis mediaevalibus nota est, a scriptoribus Arabicis "terra Auri" saepe appellata. Populus Soninke, Barbaris inimicus, regnum Ganae possidebat; nomen civitatis in lingua Soninke Wagadu fuisse videtur. Islamus et cultus indigenarum pagani in regno miscebantur. Saeculo undecimo ab Almovidarum militibus Barbaricis Gana debellata et destructa est.