Rabindranath Tagore
Philosophus et poeta Bengalicus / From Wikipedia, the free encyclopedia
Rabindranath Tagore seu Bengalice রবীন্দ্রনাথ ঠাকুর Rabindranātha Ṭhākura (Calcuttae die 7 Maii 1861 natus; ibidem mortuus die 7 Augusti 1941), fuit philosophus, pictor, et compositor Indicus. Anno 1913 primus scriptorum Asiae continentis Praemium Nobelianum Litteraturae accepit.
Tagore libris sicut Ghare baire ("Domus et mundus") vel Gitanjali litteras Bengalicas (una cum aliis scriptoribus) et novavit et carminibus, narrationibus, epistulis, commentationibus amplificavit. Artem patriae, cuius structuram strictam et formas classicas aggressus est, ad nova exempla composuit. Duo ex eius carminibus hodie sunt hymni nationales Bangladeshae et Indiae: Amar Shonar Bangla ("Mea Bengalia aurea") et Jan Gana Mana ("Rector animi populi"). Gurudeb appellatus est, quod nomen honorificum se ad guru ('praeceptor') et deva refert.