![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2c/YuanEmperorAlbumTughTemurPortrait.jpg/640px-YuanEmperorAlbumTughTemurPortrait.jpg&w=640&q=50)
Propria ad mensam Imperatoris principia
From Wikipedia, the free encyclopedia
Propria ad mensam Imperatoris principia (Sinice 饮膳正要, pinyin Yinshan zhengyao) est liber de arte culinaria rebusque diaeteticis anno 1330 ab Hu Sihui (忽思恚) scriptus, coquo principali ad aulam imperatoris Wenzong(en) merente. Opus imperatori ipso dicatum est. Fercula praesertim traditionis Mongolicae, partim Asiae mediae ad artem convivalem medicinamque Sinensem accommodantur: textus igitur Sinice scriptus vocabula mutuata Mongolica, Persica, Arabica, Turcica comprehendit.[1]
![Thumb image](http://upload.wikimedia.org/wikipedia/commons/thumb/2/2c/YuanEmperorAlbumTughTemurPortrait.jpg/640px-YuanEmperorAlbumTughTemurPortrait.jpg)
De auctore pauca scimus. Consiliarius medicus diaeteticusque imperatoribus Mongolicis familiae Yuan merebat, inter quos Wenzong qui imperium Sinarum quattuor annos ab 1328 usque in 1332 rexit, urbe capitali hiemali Pechino, aestivali Ciandu(en).[2]