![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dd/%25D0%2592%25D0%25B8%25D0%25B4%25D0%25B5%25D0%25BD_%25D0%25BE%25D0%25B4%25D0%25B8%25D0%25BD_%25D0%25B8%25D0%25B7_%25D0%25BF%25D1%2580%25D0%25B8%25D1%2582%25D0%25BE%25D0%25BA%25D0%25BE%25D0%25B2_%25D0%259A%25D0%25B0%25D0%25BB%25D0%25B0%25D1%2580%25D0%25B0_-_panoramio.jpg/640px-%25D0%2592%25D0%25B8%25D0%25B4%25D0%25B5%25D0%25BD_%25D0%25BE%25D0%25B4%25D0%25B8%25D0%25BD_%25D0%25B8%25D0%25B7_%25D0%25BF%25D1%2580%25D0%25B8%25D1%2582%25D0%25BE%25D0%25BA%25D0%25BE%25D0%25B2_%25D0%259A%25D0%25B0%25D0%25BB%25D0%25B0%25D1%2580%25D0%25B0_-_panoramio.jpg&w=640&q=50)
Planities montana Palmaria
montes Sibiriae / From Wikipedia, the free encyclopedia
Planities montana Palmaria[1], vulgo Stanovoie[2] (Russice Становое нагорье) est planities montana in Transbaicalia; per Buriatiam, regionem Ircutensem, et territorium Transbaicalicum extenditur. Circa 700 chm longa est, a lacus Baicalis extremitate boreali ad fluxum medium Olecmae fluvii. Olecma a iugo Palmario et Witimus a planitie montana Patomensi planitiem montanam Palmariam separat. Iuga Muiense Boreale et Muiense Australe et alia iuga partes planitiei montanae Palmariae sunt. Iuga demisionibus magnis divisa sunt. Punctum altissimum est mons Gigas Muiensis (Mujskij gigant), 3067 m altus, in iugo Muiensi Boreali situs.
![Thumb image](http://upload.wikimedia.org/wikipedia/commons/thumb/d/dd/%D0%92%D0%B8%D0%B4%D0%B5%D0%BD_%D0%BE%D0%B4%D0%B8%D0%BD_%D0%B8%D0%B7_%D0%BF%D1%80%D0%B8%D1%82%D0%BE%D0%BA%D0%BE%D0%B2_%D0%9A%D0%B0%D0%BB%D0%B0%D1%80%D0%B0_-_panoramio.jpg/640px-%D0%92%D0%B8%D0%B4%D0%B5%D0%BD_%D0%BE%D0%B4%D0%B8%D0%BD_%D0%B8%D0%B7_%D0%BF%D1%80%D0%B8%D1%82%D0%BE%D0%BA%D0%BE%D0%B2_%D0%9A%D0%B0%D0%BB%D0%B0%D1%80%D0%B0_-_panoramio.jpg)
Witimi et Olecmae accolae multi et Angara Superior, quae in Baicalem se effundit, et Tschaia Lenae accola in planitie montana Palmaria oruintur.
Ferrum et cuprum et fluorites et carbo hic inveniuntur. Taiga laricina planitiem operit; locis altioribus tundra montana patet, demissiones paludinosae sunt cum vallibus multis vere inundatis.