Patricius (comes Saresberiensis)
From Wikipedia, the free encyclopedia
Patricius (natus anno circiter 1122; interfectus die fere 7 Aprilis 1168), filius Gualteri de Sarisberia uxorisque eius Sibyllae de Cadurcia, avunculus Guillelmi Marescalli, creatus est ante annum 1147 ab imperatrice Matilda comes Wiltoniae. Communiter comes Saresberiensis appellatus est e nomine Sarisberiae urbis principalis huius comitatus.
Bis uxores duxit, quarum primam Matildam e stirpe hodie ignoto; secundam Elam (si nomen recte datur), comitissam Pontivorum, e qua genuit:
- Guillelmus
- Patricius
- Philippus
- Gualterus
Die circiter 7 Aprilis 1168 Patricius, pro rege Anglico Henrico II militante, in insidiis iuxta Leziniacum Pictavense a Guidone de Leziniaco interfectus est; eisdem insidiis filius sororis Guillelmus captus est sed mox iussu reginae Alienorae redemptus.[1]