![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c0/Nutcracker%252C_the_2008.jpg/640px-Nutcracker%252C_the_2008.jpg&w=640&q=50)
Nucifrangibulum (ballatio)
From Wikipedia, the free encyclopedia
Nucifrangibulum (Russice Щелкунчик) est opus ballationis duorum actuum a Petro Čajkovskij compositum. Argumentum ballationis positum est in fabula Nußknacker und Mausekönig (1851; 'Nucifrangibulum et Murium Rex'), qua E.T.A. Hoffmann auctor narrat de puella, quae vespere Natalicio in Terram Dulciolorum se confert. Quam fabulam Ioannes Vsevoložskij et Marius Petipa ad ballationem aptaverunt, et Petipa cum Leone Ivanov choreas disposuit. Nucifrangibulum primum Petropoli in Theatro Mariae die 18 Decembris anno 1892 peractum est, parum quidem feliciter, nam nec criticis nec compositori ludi placuerunt. Inde ab annis 1940 Nucifrangibulum ballatio gratiam populi iniit adeoque increvit, ut inter omnium optimas ballationes numeretur.
![Thumb image](http://upload.wikimedia.org/wikipedia/commons/thumb/c/c0/Nutcracker%2C_the_2008.jpg/640px-Nutcracker%2C_the_2008.jpg)