Novelle (Bandello)
From Wikipedia, the free encyclopedia
Novelle (scilicet "historiae novellae") sunt opus praecipuum Matthaei Bandello, anno 1554 divulgatum, cui supplementum post auctoris mortem anno 1573 editum est. Fabulae ex hoc collectaneo, in aliis linguis Europaeis mox verso, fontes fuerint ludorum scaenicorum.
- "La sfortunata morte di due infelicissimi amanti" (Novelle II, 9) historiam Romei et Iuliettae retractat, iam anno 1530 in libro anonymo Historia novellamente ritrovata di due nobili amanti narratam. Fons est ludi Gulielmi Shakesperii titulo Romeo and Juliet
- "Il signor Antonio Bologna sposa la duchessa di Malfi e tutti dui sono ammazzati" (Novelle I, 26) historiam narrat ducissae Amalphitanae Ioannae de Aragonia, sororis cardinalis Ludovici de Aragonia. Illa cum marito et filiis, si fontibus credere licet, iussu fratris anno 1510 necata est. Fons est ludi Ioannis Webster, titulo The Duchess of Malfi, atque ludi Lupi de Vega, titulo El mayordomo de la duquesa de Amalfi.