Nanaia Mahuta
politica / From Wikipedia, the free encyclopedia
Nanaia Mahuta (Aucopoli in urbe nata die 21 Augusti 1970) est politica Novae Zelandiae.
E populo Māori orta, regis Tūheitia Paki germana, partim Aucopoli, partim Oxoniae in Anglia educata est, ubi pater in universitate studebat. Ipsa in universitate Waikatoensi immatriculata sine lauris exiit, sed recentius anthropologia sociali apud universitatem Aucopolitanam studuit gradumque magistrae ascendit. Legata est parlamento Novozelandensi a die 12 Octobris 1996. Ministra ab evolutione Maoriensium et administrationis provincialis a die 26 Octobris 2017 meruit. Die 6 Novembris 2020 ad officium ministrae a rebus externis convocata est, prima ministra Hyacintha Ardern, et usque in 11 Novembris 2023 functa est.