Montes Virides

Montes Virides sunt iugum montium in Monte Viride, civitate Civitatum Foederatarum situm. Quod praecipue a meridie ad septentriones extenditur fere 250 milia a finibus Massachusettensibus ad fines Quebecenses in Canada. Pars eiusdem iugi quae in Massachusetta et Connecticuta patet appellatur Berceriae (Anglice Berkshires)^[1] et Colles Bercerienses^[2] (parte autem Connecticutense, plerumque in Comitatu Litchfield sita, Colles Septentrioccidentales et Colles Litchfield appellata), et pars in Quebeco sita appellatur Montes Suttonenses (Francice Monts Sutton).^[3]

Despectus in Montes Virides ad meridiem a Jay Peak^? visus.

Montes Virides extra Montem Pessulanum.

Principales Appalachianorum septentrionalium regiones (tabula Anglice signata).

Omnes montes in civitate Monte Viride saepe appellantur Montes Virides; alia autem iuga, inter quae iugum Taconicum (in extremo civitatis meridioccidente) et Regiones Montuosae Septentriorientales, geologice non sunt partes Montium Viridium.

Nexus interni

• Fluvius Richelaeus
• Iuvenes Montium Viridium
• Montes Appalachiani
• Nationalis Trames Scaenicus Appalachianus

Notae

1. "The Mountains of Vermont". Saint Michael's College .
2. "Berkshire Hills". Geographic Names Information System, U.S. Geological Survey .
3. "Monts Sutton". Commission de toponymie Québec .