aedificium pro oratione eorum qui religionem Islamicam sequuntur From Wikipedia, the free encyclopedia
Meschita (Arabice مسجد masjid) est templum Islamicum, ubi Musulmani congregantur ad preces communes faciendas. Aedes saepe una pluribusve turriculis, minaretis (مآذن maʾāaḏin) appellatis, circumdatur et tholo tegitur. Ex minareto quidam muʾaḏḏin (مؤذن) fideles ad preces publice vocat, quae vocatio ʾaḏān (أذان) appellatur. Meschita etiam est institutum sociale et scholasticum, saepe cum schola (مدرسة madrasa) vel bibliotheca coniunctum.
Praeter meschitam,[1] etiam reperiuntur formae mesquita, mosch(a)ea, meschida, moscheda, muscheda (haec omnia a nomine Arabico مسجد masǧid, i.e. 'locus venerandi') vel etiam mahomeria.[2]