![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/12/Medeia_child_Louvre_K300.jpg/640px-Medeia_child_Louvre_K300.jpg&w=640&q=50)
Medea (Euripides)
tragoedia quam Euripides docuit / From Wikipedia, the free encyclopedia
Medea (Graece Mήδεια) est tragoedia quam Euripides anno 431 a.C.n. docuit quaeque tertias tulit. Laureatus fuit Euphorion, secundas tulit Sophocles. In tetralogia ab Euripide Dionysiis hoc anno proposita fuerunt insuper duae tragoediae Philoctetes et Dictys hodie maximam partem deperditae et fabula satyrica Messores[1]. Fabula necem a matre (Medea) duobus filiolis illatam explicat. Hoc argumentum nec Sophocles nec Aeschylus tractaverunt[2] sed fontes antiqui posteriores[3] - modica fide digni ut nonnullis modernis criticis videntur - Euripidi obiecerunt quod fabulam suam e tragoedia cuiusdam Neophronis[4] duxissetː eruditi hodierni dubitant an re vera illa tragoedia e qua paulo plus quam viginti versus[5] exstant Euripidea Medea anterior fuerit[6]. Certe ineunte cursu honorum anno 455 a.C.n. Euripides in Peliadibus Medeam iam in scaenam induxerat.
![Thumb image](http://upload.wikimedia.org/wikipedia/commons/thumb/1/12/Medeia_child_Louvre_K300.jpg/640px-Medeia_child_Louvre_K300.jpg)