Maximus Litvinov
From Wikipedia, the free encyclopedia
Maximus Maximovich Litvinov (Russice Макси́м Макси́мович Литви́нов; natus Meir Henoch Wallach-Finkelstein Bielcae Poloniae in Imperio Russico, 17 Iulii 1876; mortuus Moscuae Unionis Sovieticae, 31 Decembris 1951) fuit revolutionarius Iudaeus Russicus et legatus Unionis Sovieticae magni momenti. Litvinov, qui pacta diplomatica ad exarmationem ducentia vehementer suadebat, anno 1928 efficit ut Unio Sovietica participes esset Pactionis Kellogg-Briandianae, Protocollumque Litvinovianum anno 1929 plerumque excogitavit, pactionem multilateralem quae Pactionem Kellog-Briandianam inter Unionem Sovieticam et varias civitates vicinas constituit. Anno 1930, Curator Popularis Rerum Externarum creatus est, maximum munus diplomaticum in civitate Sovietica. Decennio proximo, vox magni momenti securitatis collectivae, sollemnis rationis Sovieticae, fuit. Legatus praeterea ad Civitates Foederatas et Cubam meruit.