Mausolus
From Wikipedia, the free encyclopedia
Mausolus (Graece: Μαύσωλος) ab anno 377 a.C.n. usque ad annum 353 a.C.n. Satrapes Persicus in Caria Asia Minoris (hodie: Turcia) regnavit. Nomen eius usque ad hunc diem in verbo mausolei sepulcra magnifice ornata denotantis vivit. Nam sepulcrum a vidua Artemisia II ornatum inter septem mirabilia mundi habebatur.
Vivus insulas Graecas finibus suis circumiacentes, Rhodum et Coum, in suam dicionem redegit postquam ab Atheniensibus secedentes eas adiuvit[1]. A Persarum rege aliquantulum secesserat atque regnum sui iuris crearat[2].