From Wikipedia, the free encyclopedia
Martinus Bucerus (vere: Martin Butzer/Butscher; natus die 11 Novembris, 1491 Selestadii in Alsatia; mortuus die 28 Februarii, 1551 Cantabrigiae (Cambridge) in Anglia), qui antea monachus dominicanus fuerat, fuit reformator Argentorati et theologus Germanicus.
Familia
Adulescens XV annorum Dominicanus factus est qui ex anno 1517 in Universitate Heidelbergensi linguis Graecae et Hebraicae, theologiae, philosophiae, rhetoricis studuit. Reformatio eum alliciebat cum anno 1518 Lutherum cognoverat et Erasmi Roterodami scripta legerat.
Ordine religioso relicto praedicator aulicus apud principem electorem Fredericum Palatinatus factus est. Parochia in Landstuhl (in Palatinatu) anno 1522 mandatus est antequam anno 1523 Argentorati operam daret. Praeter Reformationis promotionem indefessus in unione inter Lutheranos et Reformatos concilianda laborabat. Cum in disputationibus Bernae (1528) et Marburgi (1529) habitis in initio Zvinglio faveret, aliquanto post Lutheranas versiones maluit. Colloquia ista finem habuerunt anno 1536 Wittenbergae.
Helvetiis unionem recusantibus una cum landgravo Philippo Hassiae, cui litteras dare solebat, ordines Germanicos protestanticos saltem unificare potuit. Sic et in colloquiis religiosis Hagenoensibus (1540) agebat necnon Ratisbonae (1541, 1546). Quando anno 1542 Colonienes notionibus reformatoriis laetificare volebat, a clericorum multitudine vehementissime lacessitus est. Pacem provisoram Augustanam impugnans Argentoratum deserere coactus est et mense Aprili 1549 in Angliam iit Petro Martyre Vermilio invitante.
Sapientia eius ampla, quam numquam vanitate prae se ferebat, praesertim in insulis Britannicis magni aestimata est.
Inter multa opera a Bucero scripta sunt:
"De regno Christi".
![]() |
Vicimedia Communia plura habent quae ad Martinum Bucerum spectant. |
Albi · Augustiniani · Barnabitae · Benedictini · Camilliani · Canonici Augustiniani · Capuccini · Carmelitae · Carmelitae Discalceati · Carthusiani · Cistercienses · Claretiani · Comboniani · Dominicani · Eudistae · Filii Amoris Misericordis · Franciscani · Iesuitae · Lasalliani · Legionari Christi · Mercedarii · Minimi · Oratoriani · Passionistae · Praemonstratenses · Rosminiani · Sacra Familia · Societas Parisiensis missionum ad exteras gentes · Salesiani · Scalabriniani · Scheutistae · Servi Mariae · Servi Iesu et Mariae · Spiritani · Trappistae · Trinitarii · Ursulinae · Vincentiani