Mare Sibiricum Orientale

Mare Sibiricum Orientale^[1] (Russice Восточно-Сибирское море, tr. Vostočno-Sibirskoe more) est mare Oceani Arctici (Glacialis Septentrionalis). Aream 913 chm² et profunditatem maximam ad 915 m habet. Per maiorem partem anni glacie tectum est.

Mare Sibiricum Orientale caeruleo in tabula pictum

Situs

Ad litus Russiae inter insulas Sibiriae Novae (partis rei publicae Iacutiae) et Wrangelii (ad districtum autonomum Tschucoticum pertinentem) situm est. Insulae Sibiriae Novae a mari Lapteviorum et insula Wrangelii a mari Tschukotensi mare Sibiricum Orientale separant. Freto Longii cum mari Tschukotensi et freto Demetrii Laptevii cum mari Lapteviorum coniunctum est (ubi Sanctus Nasus promunturium limes marium habetur)..

Statio polaris in insula Wrangelii

Res geographicae

Flumina maxima in hoc mare fluentia sunt Colyma, Alazea et Indigirca.

Sinus Czaunicus^(ru)[2] est sinus maris Sibirici Orientalis maximus.

Portus principalis est Pevek, ad introitum sinus Czaunici situs; portus alter Caput Viride (Zelenyj mys) prope ad Czerski situs in ostio Colymae.

Sinus Czaunicus maris Sibirici Orientalis

Insulae Ursinae^[3] (Medvež'i) in mari haud longe ab ostio Colymae sitae sunt, quarum una est insula Leontievi^[4], altera Czetyrechstolbovoi^[5]. Insula Aion^[6] ad introitum in sinum Czaunicum sita est.

Pevek portus maris Sibirici Orientalis

Notae

1. Norae Zabinkovae et Moysis Kirpicznikov Nomina physico-geographica principalia URSS s.v. Восточно-Сибирское море. Cf.: "Archipelagus insulae Ursinae (mare Sibiricum orientale)" ; "De algis glacierum maris Sibirici Orientalis Majo 1987 inventis"
2. Norae Zabinkovae et Moysis Kirpicznikov Nomina physico-geographica principalia URSS s.v. Чаунская губа.
3. Type? of Artemisia hultenii Maximova; Novitates systematicae plantarum vascularium, vol. XIII, 1976, p. 144.
4. Artemisia hultenii Maximova.
5. Novitates systematicae plantarum vascularium...
6. Norae Zabinkovae et Moysis Kirpicznikov Nomina physico-geographica principalia URSS s.v. Айон.

Fons

• Dictionarium novum illustratum encyclopaedicum – Новый иллюстрированный энциклопедический словарь / Ред. кол.: В.И. Бородулин, А.П. Горкин, А.А. Гусев, Н.М. Ланда и др. – М.: Большая Российская энциклопедия, 2001. – ISBN 5-85270-259-5 (Russice)

Nexus externi

Vicimedia Communia plura habent quae ad Mare Sibiricum Orientale spectant.

Situs geographici et historici: Locus:  • OpenStreetMap • GeoNames • Thesaurus Getty • Store norske Lexikon