![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ee/AmundsenSea.jpg/640px-AmundsenSea.jpg&w=640&q=50)
Mare Amundsenianum
From Wikipedia, the free encyclopedia
Mare Amundsenianum,[1][2] bracchium Oceani Australi ante Terram Mariae Byrd in Antarctica occidentali situm, inter Caput Flying Fish (septentrionalem occidentalemque Insulae Thurstonianae apicem) ad orientem versus et Caput Dart Insulae Siple ad occidentem versus patet. Caput Flying Fish est fines Maris Amundseniani et Maris Bellingshauseniani. Hoc autem mare marginale Oceani Australis inter maria Amundsenianum et Rossianum ad occidentem Capitis Dart nomine scientifico iam caret. Expeditio Norvegica annorum 1928 et 1929, Nils Larsen navarcho, hoc corpus aquae ex Rodoaldo Amundsen, exploratore polari Norvegico, nominavit, cum hanc regionem mense Februario anno 1929 exploraret.[3]
![Thumb image](http://upload.wikimedia.org/wikipedia/commons/thumb/e/ee/AmundsenSea.jpg/640px-AmundsenSea.jpg)
![Thumb image](http://upload.wikimedia.org/wikipedia/commons/thumb/0/06/Antarctic_Sea_Ice_-_Amundsen_Sea.jpg/640px-Antarctic_Sea_Ice_-_Amundsen_Sea.jpg)
![Thumb image](http://upload.wikimedia.org/wikipedia/commons/thumb/0/0a/Amundsen_Sea_Icebergs.jpg/640px-Amundsen_Sea_Icebergs.jpg)
Mare Amundsenianum gelu plerumque tegitur, et Lingua Molis Conglaciatae Thwaites in id prominet. Lamina glaciei quae in mare hic defluit est 3 fere chiliometra crassum, prope magnitudinem Texiae, quae regio, Sinuatio Maris Amundseniani[4][5] appellata, unam ex tribus maioribus glaciei exsiccatae pelvibus Laminae Glaciei Antarcticae Occidentalis constituit.